Bugun 15 May Xaqaro oila kuni. Har yili ushbu kun yurtimizda bayram sifatida nishonlanadi. Bu sana bizni nafaqat yaqinlarimizni qadrlashga, balki oila tushunchasining asl mohiyatini yanada chuqurroq anglashga chorlaydi. Oila – bu yurakning harorati, qalbning tayanchi, inson bo'lib yashashning birinchi maktabidir.

Bugun yurtimizda oilani mustahkamlash, yosh oilalarni qo'llab-quvvatlash, farzandlar tarbiyasida sog'lom muhit yaratish davlat siyosatining ustuvor yo'nalishlaridan biri sanaladi. Chunki jamiyatning sog'lom bo'lishi, millatning barhayotligi avvalo sog'lom va ahil oilalarga bog'liqdir.

15 May – bu oddiy sana emas, balki yuragimizdagi eng iliq hislarni yana bir bor baralla aytish, mehrli onalarimizga, sabrli otalarimizga, mehridaryo bobo-buvilarimizga minnatdorchilik bildirish, kelajagimiz bo'lgan farzandlarimizga esa mehr va e'tiborimizni oshirish uchun ayni fursatdir.

Shahnoza Shodmonova - So'x tuman IIB XPB xotin-qizlar masalalari bo'yicha katta inspektori, podpolkovnik